Трката на 5 километри стартува на улицата „11-ти Октомври“, кај Зелениот пазар. Трасата продолжува по „11-ти Октомври“, булеварите „Крушевска Република“ и „3-та Македонска Бригада“ до крстосницата со улицата „Коста Новаковиќ“, каде натпреварувачите се враќаат по истата траса до целта на плоштадот „Македонија“.
Маратонот, полумаратонот и штафетната трка стартуваат кај Собранието. Трасата минува по улиците „Димитрие Чуповски“, „Митрополит Теодосиј Гологанов“ и „Војвода Васил Чакаларов“ до улицата „Ангел Динев“, па се враќа до Собранието. Потоа продолжува по „11-ти Октомври“, булеварите „Крушевска Република“ и „3-та Македонска Бригада“, улицата „Васко Карангелевски“ и булеварот „Јане Сандански“. Кај булеварот „Србија“ има полукружно враќање, а следното е кај булеварот „Кузман Јосифовски Питу“. Трасата потоа се враќа по „Васко Карангелевски“, „3-та Македонска Бригада“, „Крушевска Република“ и „11-ти Октомври“ до плоштадот „Македонија“. Во соопштението е наведено дека натпреварувачите на маратонот и штафетната трка ја минуваат трасата двапати.
Единицата за безбедност на патниот сообраќај ќе преземе мерки за посебниот режим. МВР ги повика граѓаните да ги почитуваат наредбите на полициските службеници на сообраќајниците каде што ќе се одвива настанот.







Коментари (0)
Коментарите за оваа објава се затворени.