Двете екипи почнаа отворено, но првата сериозна шанса ја имаше Арсими дури во 30. минута. Наумовски го одбрани ударот на Гаје, а веднаш потоа Гаје ја погоди стативата. Скопје поведе во 41. минута, кога Брдаровски нафрли, а Гордиќ со силен удар со глава погоди за 1-0 на полувремето.
Гордиќ учествуваше и во акцијата за вториот гол. Во 52. минута проби по левата страна и му додаде на Гроздановски. По неговиот удар, топката го закачи Зука, го смени правецот и заврши во мрежата за 2-0.
Во 68. минута Гордиќ пропушти шанса за својот втор гол. Само миг подоцна, на другата страна, резервистот Мустафа му избега на Брдаровски и со глава го искористи нафрлувањето на Рамадани за 2-1. Арсими до крајот бараше израмнување, но одбраната на Скопје го сочува водството.







Коментари (0)
Коментарите за оваа објава се затворени.