Солисти во претставата беа Наташа Трендафилова-Гицев и Балаж Лочеи од Унгарија, а кореографијата е на Михаил Крапивин од Русија. На публиката ѝ се обрати и уметничката директорка на фестивалот, Милица Шперовиќ-Рибарски.
Фестивалот за отворен го прогласи градоначалникот на Битола Тони Коњановски. Тој оцени дека фестивалот дополнително ја потврдува културната традиција на градот и рече дека „Интерфест“ има 35-годишна традиција и секој октомври во Битола ги носи светските и македонските класици.
Во обраќањето Коњановски ги спомена концертите, уметничките изложби, театарската претстава, мастер-класовите и подиумот за млади во соработка со Државното музичко училиште. Подиумот во Офицерскиот дом е посветен на учениците и професорите од училиштето, кое градоначалникот го оцени како расадник на уметници во класичната музика.
Пред отворањето, во фоајето на Центарот за култура беше поставена ликовната изложба „Современа Италијанска графика и цртеж“. Фестивалот ќе трае до 10 октомври, а програмата вклучува концерти, театарска претстава и мастеркласи.







Коментари (0)
Коментарите за оваа објава се затворени.