Најважно
349 вести · 24 ч.
Берово 6°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Црногорскиот амбасадор: Без владеење на правото и ресурси против корупцијата нема напредок кон ЕУ

Архивска фотографија · Извор: facebook.com
Архивска фотографија · Извор: facebook.com
  • Миљаниќ побара внимание на обврските од поглавјата 23 и 24.
  • Се разгледуваа можности за поинтензивна соработка меѓу двете обвинителства.
  • Савески и Миљаниќ очекуваат нова динамика во борбата против високата корупција.

Без владеење на правото и соодветни ресурси за мерливи резултати во борбата против корупцијата и организираниот криминал нема напредок кон ЕУ, порача црногорскиот амбасадор Зоран Миљаниќ на денешната средба со државниот јавен обвинител Ненад Савески, пренесувајќи го искуството на Црна Гора.

Миљаниќ посебно ја нагласи важноста на исполнувањето на обврските од поглавјата 23 и 24 во процесот на пристапување кон ЕУ, како и значењето на статусот на јавните обвинители.

Савески и Миљаниќ разговараа за досегашната соработка меѓу двете земји и за можностите за нејзино унапредување. Соработката меѓу македонското и црногорското обвинителство ја оценија како одлична, а можностите за нејзино интензивирање ги разгледаа во контекст на црногорскиот евроинтеграциски пат и реформите во правосудството.

Двајцата го поздравија изборот на нов шеф на Основното јавно обвинителство за гонење на организиран криминал и корупција. Изразија очекување дека тој ќе придонесе за нова динамика во борбата против високата корупција во Македонија.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.