За работите на булеварот, ВМРО-ДПМНЕ Струмица тврди дека асфалтот се поставува професионално и стручно, со цел да трае долго. Оттаму отфрлаат дека „Ленинова“ е замислена или се изведува за популистичка употреба.
Партијата ја спротивставува сегашната работа на, како што наведува, дводецениското владеење на СДСМ, кога граѓаните постојано барале пополнување на дупките, реконструкција на улиците и поголема безбедност во сообраќајот. Според ВМРО-ДПМНЕ Струмица, на овие прашања сега се работи системски и одговорно, а СДСМ го оспорува самото асфалтирање.
Во продолжение на критиката, ВМРО-ДПМНЕ Струмица тврди дека почнуваат да се реализираат работи што биле ветувани со години. Го обвинува СДСМ дека нема свои проекти, дека ја пропуштил можноста да ги реализира додека бил на власт и дека сега бара недостатоци во туѓите.
Обидите инвестициите да се претворат во политички скандали партијата ги оцени како „очајничка потрага по тема“, а не како критика. ВМРО-ДПМНЕ Струмица најави дека ќе продолжи со изградба и реконструкции во општината.







Коментари (0)
Коментарите за оваа објава се затворени.