Проектот ги опфаќа спортската сала „Иљо Лопатички“ во Могила и основните училишта „Браќа Миладиновци“ во Добрушево и „Кочо Рацин“ во Ивањевци. Во училиштата започнале реконструкции со енергетски ефикасни фасади, топлинска изолација, нова ПВЦ столарија, подобрување на системите за греење и поставување фотонапонски панели. Во спортската сала се предвидени котлара со автоматски котел на пелети, нова внатрешна грејна инсталација, модернизирано осветлување и фотонапонска електроцентрала.
Саботковски наведува дека инвестицијата обезбедува подобри услови за учениците и спортистите, значителни заштеди на енергија и пониски трошоци за функционирање на јавните објекти.
Градинката е прва во Општина Могила и има капацитет за 40 деца. Во изјавата се наведува дека објектот е целосно изграден и се наоѓа во завршна фаза.
Асфалтирани се улици во повеќе населени места. На улиците „АСНОМ“ и „Гоце Делчев“, покрај реконструкцијата на коловозот со профил од седум метри, изградени се атмосферска канализација и тротоари. Патниот правец Долно Српци – Беранци е целосно асфалтиран и е долг 1.400 метри, од кои последните 660 метри биле асфалтирани во рамки на работите. Реконструкцијата на улицата „Пелагонија“ е во тек, а договорот за асфалтирање на уште неколку улици е во фаза на потпишување.







Коментари (0)
Коментарите за оваа објава се затворени.