На 15. состанок на Генералното собрание и 30. состанок на Извршниот одбор на Асоцијацијата, делегацијата стави акцент на унапредувањето на родовата еднаквост, јакнењето на лидерските капацитети и создавањето можности за професионален развој на жените во полицијата.
Полициското образование и обука се и во средиштето на 15. меѓународна конференција на ИНТЕРПА, посветена на идната улога на полициските академии во создавањето и управувањето со безбедносното знаење во ерата на дигиталната трансформација. Меѓу разгледаните теми беа примената на вештачката интелигенција, справувањето со сајбер-криминалот и дигиталните истраги.
Учесниците разговараа и за стратешкото управување со безбедносното знаење и за претворањето на практичните полициски искуства во институционално знаење. Беа опфатени современото лидерство, мотивацијата на вработените и унапредувањето на професионалните капацитети преку меѓународна размена на знаења и искуства.
Настаните на ИНТЕРПА во Доха се одржуваат од 16 до 18 ноември 2026 година. Делегацијата на МВР ја предводи помошникот на министерот за Полициската академија, Влатко Митковски.
На состаноците беа разгледани и идните активности на Асоцијацијата, како и можностите за продлабочување на соработката меѓу земјите членки, со цел јакнење на институционалните капацитети и унапредување на полициското образование и обука.







Коментари (0)
Коментарите за оваа објава се затворени.