Овој период без договор, кој ДЗР го наведува како 15,7% од анализираниот период, е еден од наодите во објавениот конечен извештај за имплементацијата на безбедносните мерки и контроли во ИТ системот на Агенцијата. Ревизијата на информациските системи, спроведена како ревизија на успешност, ги опфати годините од 2021 до 2024. Според ревизорите, слабостите во управувањето со системот и примената на безбедносните контроли влијаат врз ефективната заштита на информациите и ИТ ресурсите.
Агенцијата има и недоволни човечки и институционални ИТ капацитети. Во Секторот за информатика се пополнети само две од седум систематизирани работни места, односно 28,57%. Во последните три години опфатени со наодот не биле реализирани обуки за ИТ кадарот.
Во делот на заштитата на податоците, ревизорите утврдиле потреба од подобро управување со личните податоци и корисничките пристапи, како и од подобрување на мрежната безбедност. Наодите ги опфаќаат и резервното копирање и обновувањето на податоците, како и плановите за континуитет на работењето.
ДЗР даде препораки за зајакнување на ИТ капацитетите и унапредување на безбедносните контроли и процедури, со цел да се обезбедат стабилност и континуитет на информацискиот систем.







Коментари (0)
Коментарите за оваа објава се затворени.