Според ЛДП, институционалната небрежност остава простор криминалците слободно да дејствуваат, а досегашниот одговор на власта е само задоцнета ПР-реакција на гневот на јавноста.
Партијата ги повика надлежните да спречат можно бегство на лицето од Охрид кое во својата реакција го нарекува „насилникот и тепачот“. ЛДП предупредува да не се повтори сценарио во кое институциите ќе го бараат преку медиумите додека тој веќе е во соседството, наведувајќи ја Софија како можен пример.
Предупредувањето го поврзува со бегство на осомничено лице преку македонските граници, за кое наведува дека се случило пред помалку од еден месец. ЛДП ја обвинува власта дека ги игнорира предупредувањата и потсетува дека на 23 октомври оценила оти најголемата закана за државата не се надворешните проблеми, туку домашните пропусти, слабото законодавство и институционалната неспособност.
ЛДП бара власта да престане со, како што ги нарекува, лажните алибија и префрлањето на одговорноста врз туѓата неагилност. Партијата повикува на цврсти закони, институции што работат и итно затворање на правните и граничните пропусти.







Коментари (0)
Коментарите за оваа објава се затворени.