Петров праша и дали претпријатието може да работи со постојните цени ако ги зголеми продуктивноста и наплатата, а ги намали расходите.
Доколку Управниот одбор сепак одлучи да предложи поскапување, советникот побара одговор дали тоа би било во максималниот опсег што, според него, го дала Регулаторната комисија за енергетика: нешто над девет проценти во секоја од наредните три години.
Прашањата беа поставени на 18-та седница на Советот на Општина Гевгелија, при разгледувањето на кварталниот финансиски извештај на ЈПКД „Комуналец“. Според локалниот огранок на Левица, претседателите на Управниот и Надзорниот одбор повторно не присуствувале за да одговараат на прашањата на советниците.
Левица тврди дека ваквото отсуство се повторувало и претходно и ги обвини претседателите на двата одбора за кршење на Законот за јавни претпријатија и на Статутот на претпријатието. Партијата јавно ги повика да одговорат за таквото постапување.







Коментари (0)
Коментарите за оваа објава се затворени.