Според Меџити, учебникот е меѓу првите средби на детето со пишаниот јазик, науката и историјата. Затоа треба да биде точен, јасен и разбирлив и да ги поттикнува учениците да размислуваат, да поставуваат прашања и да градат сопствено мислење.
За научните и стручните препораки да добијат конкретна примена во наставата, Меџити ја нагласи и потребата од соработка меѓу институциите и подобрување на условите во училиштата.
Конференцијата ја организираше Институтот за духовно и културно наследство на Албанците (ИДКНА). Покрај квалитетот на учебниците, во фокусот беше и институционалната одговорност за развојот на образованието на албански јазик.
Меџити порача дека, 118 години по Битолскиот конгрес, посветеноста кон албанскиот јазик треба да се одрази во квалитетот на образованието што им се обезбедува на младите генерации.







Коментари (0)
Коментарите за оваа објава се затворени.