Советот даде согласност за годишните планови за вработување за 2027 година на Општина Прилеп, ЈКП „Комуналец“ и ЈКП „Водовод и канализација“. Усвоена е и измена и дополнување на планот за вработување за 2026 година на ЈОУ Старски дом „Киро Крстески-Платник“.
За јавните претпријатија беше дадена согласност за изменување и дополнување на Статутот на ЈП за ПУП Прилеп, како и за трајно користење движни средства и специјализирани возила, метларки, на ЈКП „Комуналец“ за одржување на улиците.
Усвоени се годишните извештаи за работата на ООУ „Добре Јованоски“ и на прилепските средни училишта за учебната 2025/2026 година. Советот ги усвои и програмите за работа за учебната 2026/2027 година на СОУ „Орде Чопела“, СОУ „Ѓорче Петров“, СОУ „Ристе Ристески-Ричко“, СОУ Гимназија „Мирче Ацев“ и СОЕПТУ „Кузман Јосифоски-Питу“.
Донесено е решение за назначување претставник од локалната самоуправа во комисијата што ќе ја изработува Развојната програма за работа на СОЕПТУ „Кузман Јосифоски-Питу“.
Советот го разгледал и Планот за одржлива урбана мобилност, кој ги опфаќа планирањето, унапредувањето и развојот на мобилноста на територијата на Општина Прилеп.







Коментари (0)
Коментарите за оваа објава се затворени.