Според Димитриевски, Комисијата нотира напредок преку усвојувањето на новиот Закон за Судскиот совет, надградбата на Информацискиот систем за управување со човечките ресурси и проширувањето на понудата на електронски услуги. Тој го оцени европскиот извештај како најверодостоен доказ за институционалниот напредок и рече дека преземените одговорности ги преточиле во конкретни промени и подобри институции. Истовремено, посочи дека извештајот ги потврдува и предизвиците во работата на институциите.
Панел-дискусијата се одржа под мотото „Две години работа. Две години резултати. Една љубов – Македонија“, како дел од средбите со граѓаните низ земјата на кои ЗНАМ ја претставува двегодишната работа на своите избрани и именувани функционери. Во Неготино се разговараше и за претстојните обврски и предизвици.
Димитриевски тврди дека ЗНАМ е единствената партија што непосредно пред граѓаните ги презентира резултатите на своите функционери. За него, отчетноста е принцип и обврска: да се каже што било ветено, што е реализирано и што останува да се направи. Средбите, додаде тој, се и можност за разговор за следните чекори и обврските што ги преземаат.
Тој најави и формирање Клуб на жени во наредниот период, по веќе формираниот Клуб на млади. Ова е дел од продолжувањето на Акцискиот план на Движењето ЗНАМ за 2026 година, со акцент на организациското јакнење на партијата.







Коментари (0)
Коментарите за оваа објава се затворени.