Купувачите ќе мора да го преземат златниот „Cybercab“ во еден од неколку градови во Тексас. Проценетиот термин за испорака е декември 2026 година.
Возењето ќе биде ограничено на однапред определени области. Ашок Елусвами од „Tesla“ објасни дека „Cybercab“ ќе вози без надзор во истите зони во кои работи сервисот „Robotaxi“, но за потребите на сопствениците.
Извршниот директор на „Tesla“, Илон Маск, рече дека месечниот надоместок треба да биде усогласен со трошокот за системот „Full Self-Driving“ и поврзувањето кај другите модели, односно околу 115 долари месечно. Тој реагираше на информациите за условите за нарачка што ги пренесе технолошкиот рецензент Маркес Браунли.
Маск најави и дека „Cybercab“ ќе стане достапен низ САД како што компанијата ќе ги добива регулаторните одобренија.
„Tesla“ неодамна најави дека следната година ќе го прекине производството на „Cybertruck“, откако продажбата остана далеку под проекциите. Ослободените фабрички капацитети планира да ги искористи за производство на повеќе возила „Cybercab“.







Коментари (0)
Коментарите за оваа објава се затворени.