Покрај управувањето со отпадот, Касами ги посочи чистиот воздух, јавниот превоз и вклучувањето на граѓаните во одлучувањето како области во кои Тетово би можело да го користи загрепското искуство. Тој изрази намера за тесна соработка со Загреб во овие сектори.
Според Касами, двата града во последните години се соочиле со слични предизвици и надминале многу од нив, но остануваат прашања што бараат заеднички пристапи и ефикасни решенија.
Двајцата градоначалници разговараа и за младите, културата и развојот на туризмот. Разгледаа можности за организирање размени на млади, студенти и уметници од двата града.
Касами оцени дека Тетово има многу да ѝ понуди на Европа со Шар Планина, културното наследство и гостопримството на луѓето. Наведувајќи дека со Томашевиќ ја делат љубовта кон природата, тој го покани во иднина заедно да се искачат на Шар Планина.
Касами ја нагласи и улогата на дијаспората и семејствата од тетовскиот регион што живеат и работат во Загреб. Нивниот придонес во пријателството меѓу двата народа го посочи како основа за идната соработка меѓу градовите.







Коментари (0)
Коментарите за оваа објава се затворени.