Најважно
350 вести · 24 ч.
Берово 6°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Договорена подготовка на мастер-план за реставрација на Старата скопска чаршија

Извор на фотографијата: Министерство за култура и туризам
Извор на фотографијата: Министерство за култура и туризам
  • За координација на активностите е договорено и формирање советодавен одбор.
  • На средбата беа разгледани и можностите за финансирање на сеопфатниот проект за реставрација на Чаршијата.
  • Соработката е насочена кон координиран пристап за реставрација, заштита и промоција на Чаршијата.

Македонската и турската страна на средба во Анкара се договорија за подготовка на мастер-план за реставрација и заштита на Старата скопска чаршија, соопшти Министерството за култура и туризам. Договорот е дел од разговорите за институционална соработка во изработката на сеопфатен проект за овој културен комплекс.

За координација на активностите е договорено и формирање советодавен одбор. Неговата задача ќе биде да ги утврдува понатамошните чекори во реализацијата на проектот, за кој двете страни изразија подготвеност да соработуваат.

На средбата беа разгледани и можностите за финансирање на сеопфатниот проект за реставрација на Чаршијата.

Соработката е насочена кон координиран пристап за реставрација, заштита и промоција на Чаршијата. Министерот за култура и туризам, Седат Сулејмани, нагласи дека е важно да се зачуваат нејзината автентичност и историските вредности. Тој оцени дека искуството на турските институции во реставрацијата на историски градски јадра е можност за заштита и одржлив развој на комплексот, кој на средбата беше истакнат како симбол на заедничката повеќевековна историја и култура.

Сулејмани, градоначалникот на Општина Чаир, Изет Меџити, и претставници на општината разговараа со заменик-министерот за култура и туризам на Турција, Надир Алпарслан. Средбата се одржа во Анкара за време на официјалната посета на Турција.

Делегацијата ја придружуваа и поранешниот градоначалник на Бурса, Реџеп Алтепе, и урбанистот Бајрам Вардар, поранешен заменик-генерален секретар на Град Бурса.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.