Салата има површина од околу 200 квадратни метри и е наменета за работни состаноци, конференции, работилници, едукативни средби и други активности. Просторот служи и за институционална соработка и размена на искуства.
Во обновената сала Општина Гевгелија беше домаќин на работна средба на проектните партнери, на која беа претставени досегашните резултати. Осврт беше даден на инвестициите и мерките за енергетска ефикасност, користење обновливи извори на енергија, подобрување на инфраструктурата на јавните објекти и развој на одржливата мобилност во прекуграничниот регион.
Проектот опфаќа поставување фотоволтаични системи на јавни објекти и инсталирање полначи за електрични возила. Овие и другите интервенции се насочени кон примена на зелени технологии и одржливи енергетски решенија, поефикасно користење на енергијата и намалување на влијанието врз животната средина.
Градоначалникот на Гевгелија, Андон Сарамандов, ја истакна поддршката од ЦИСС за вклучувањето на општината во проектот и најави дека преку вакви партнерства ќе продолжи реализацијата на проекти за граѓаните.
Според Општината, партнерството со институциите и организациите од Македонија и Грција овозможува размена на знаења и искуства и создава можности за заеднички иницијативи за развој на прекуграничниот регион.







Коментари (0)
Коментарите за оваа објава се затворени.