Седницата започна во 13 часот, а Велков ја искористи можноста лично и јавно да им укаже на советниците дека решавањето на проблемот е итно. Според неговите сознанија, на дневниот ред, вклучително и на денешната седница, нема точка за депониите.
„СОВЕТНИЦИ, ДЕПОНИИТЕ НА ДНЕВЕН РЕД – ИТНО Е!!!“ е пораката на транспарентот. Велков вели дека не знае дали актуелниот состав на Советот воопшто официјално расправал за проблемот и за последиците од воздухот што го нарекува отровен.
Според Велков, луѓе свират од своите возила додека советниците заседаваат, а дали нивната порака ќе стигне до Советот зависи од самите советници. Тој порача дека тоа се истите жители чии проблеми постоеле и пред актуелните советници и градоначалници да дојдат на функција. Ги потсети на ветувањата дека ќе се залагаат за решавање на тие проблеми и ги критикуваше дека по изборите продолжува старата практика.
Велков смета дека одговорноста на Советот не е помала од онаа на ЈПКД „Огражден“ и на Општината и дека советниците треба да имаат активна улога во промените. Ги повика како директно избрани претставници да предлагаат решенија и да бидат упорни, потсетувајќи ги дека и нивните деца го дишат истиот воздух.







Коментари (0)
Коментарите за оваа објава се затворени.