Охридското Езеро е пет сантиметри над договорениот минимум. Неговото ниво, како и нивото на Преспанското Езеро, остана исто како вчера. Во споредба со ноемвриските просеци наведени од УХМР, Охридското и Преспанското Езеро се на пониско ниво, а Дојранското е над просекот за месецот.

Водата во Дојранското Езеро утрово имаше температура од 13,5 степени Целзиусови, а во Преспанското 13 степени. Кај двете езера е измерено затоплување од половина степен во однос на вчера. Ноемврискиот просек за Дојранското Езеро е 13,8 степени, а за Преспанското 11 степени.
Кај реките, Вардар бележи различни движења зависно од мерното место. Кај Велес водостојот се зголеми од 84 на 100 сантиметри, додека кај Јегуновце се намали од 114 на 104, а кај Демир Капија од 142 на 128 сантиметри. Во Скопје, на станицата ЖМ, е измерен водостој од 88 сантиметри, еден повеќе од вчера, а кај Таор порасна од 123 на 126 сантиметри.
Пораст има и на Црн Дрим кај Ложани, од 44 на 51 сантиметар, како и на Радика на станицата Б. Мост, од 58 на 61 сантиметар. Сепак, Црн Дрим кај Ложани останува под ноемврискиот просек од 90 сантиметри, додека Радика е над својот просек од 53 сантиметри. Лепенец на станицата Блив се зголеми од 11 на 13 сантиметри, под месечниот просек од 39 сантиметри.
Намалување е измерено на Бабуна кај Богомила, од 24 на 16 сантиметри, и на Пчиња кај Пелинце, од 21 на 19 сантиметри. Брегалница кај Берово се спушти од два на нула сантиметри на мерната скала, наспроти ноемврискиот просек од 22 сантиметри. Црна Река кај Новаци се намали од 36 на 34 сантиметри, исто така под просекот за месецот, кој изнесува 65 сантиметри.
Без промена се водостоите на Треска кај Македонски Брод, со минус шест сантиметри на мерната скала, на Пчиња кај Катлановска Бања со 57, на Крива Река кај Крива Паланка со девет и на Брегалница кај Штип со 69 сантиметри. Струмица е на 80 сантиметри кај Сушево и на шест кај Коњарево, а Сатеска кај Ботун останува на минус 18 сантиметри на мерната скала.
За утре УХМР очекува водостоите на реките и на трите природни езера да бидат приближно непроменети.







Коментари (0)
Коментарите за оваа објава се затворени.