Најважно
347 вести · 24 ч.
Берово 6°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Шумската полиција во октомври заплени 734 кубни метри дрва и поднесе 147 пријави

Фотографија објавена на јавниот профил на Борче Серафимовски
Фотографија објавена на јавниот профил на Борче Серафимовски
  • До судовите се поднесени 122 прекршочни, а до обвинителството 25 кривични пријави.
  • Привремено се одземени возила, трактори, приколки и 18 моторни пили.
  • Серафимовски најави продолжување на засилените контроли против бесправната сеча и препродажба.

Шумската полиција во текот на октомври заплени 734 кубни метри дрва и поднесе 147 прекршочни и кривични пријави во засилените акции против бесправната сеча, транспортот и трговијата со дрвна маса од незаконско потекло, соопшти Министерството за земјоделство, шумарство и водостопанство.

Од вкупниот број пријави, 122 се прекршочни и се поднесени до надлежните судови, а 25 се кривични пријави доставени до Основното јавно обвинителство.

Во акциите привремено се одземени и 11 товарни и 15 патнички моторни возила, осум трактори и 13 приколки. Шумската полиција одзеде и 18 моторни пили.

Според податоците на Министерството, најголем дел од запленетата дрвна маса се даб и бука: 288 кубни метри даб и 274 кубни метри бука. Останатата количина ја сочинуваат 51 кубен метар мешано дрво и 121 кубен метар техничко дрво, односно трупци.

Министерот за земјоделство, шумарство и водостопанство, Борче Серафимовски, најави продолжување на засилените контроли. Тој порача дека од дрвокрадството заработуваат поединци, додека штетата ја трпат сите граѓани, и дека заштитата на шумите како заедничко богатство е заедничка обврска.

„Ќе бараме одговорност и од оние што бесправно сечат и од оние што ги препродаваат дрвата“, порача Серафимовски.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.