363 вести · 24 ч.
Берово 6°
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Министерот Муцунски учествуваше на состанокот на Европската политичка заедница во Даблин

Фотографија од настанот · Гордана Сиљановска-Давкова
Фотографија од настанот · Гордана Сиљановска-Давкова

Министерот за надворешни работи и надворешна трговија Тимчо Муцунски денеска учествуваше во Даблин на деветтиот состанок на Европската политичка заедница, како дел од делегацијата предводена од претседателката Гордана Сиљановска-Давкова. Во фокусот на состанокот беа европската конкурентност, иновациите, поврзаноста, енергетската безбедност и интеграцијата на Западниот Балкан.

Состанокот беше посветен на темата „Европа: силна, безбедна и поврзана“. Муцунски оцени дека конкурентноста сѐ повеќе зависи од способноста знаењето, технологијата, инфраструктурата, енергијата и луѓето да се поврзат и да придонесат за одржлив раст и развој.

Тој оцени и дека Западниот Балкан е составен дел од европската економска и безбедносна архитектура, а неговата подлабока интеграција е важна за посилна, поконкурентна и побезбедна Европа.

Во услови на геополитички и економски предизвици, Муцунски ги посочи поврзаноста, енергетската сигурност и заедничкото дејствување како клучни за долгорочната стабилност на континентот.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.