Жерновски рече дека спорните изјави на Мицкоски се однесувале на тоа како и кој ја внел Алта банка во Македонија, и дека премиерот така се обидел да ја оправда својата улога во случајот.
Жерновски го обвини Мицкоски дека му наредил на гувернерот Трајко Славески да поднесе кривични пријави против претседателот на СДСМ Венко Филипче, генералниот секретар, потпретседателот и против него. Тој го спореди тоа со однесувањето на Александар Вучиќ во Србија и го оцени како притисок врз опозицијата и обид за пренасочување на вниманието од Алта банка.
Осврнувајќи се на состојбата во банката, Жерновски се повика на информации од српски обвинител дека таа служела како пералница на пари. Тој рече дека Мицкоски и гувернерот Трајко Славески уверувале дека кај нас сѐ е во ред, а потоа биле објавени пет-шест заинтересирани за купување на банката. Жерновски праша зошто би се продавала ако состојбата е во ред.
Жерновски побара обвинителството да ја испита одговорноста во случајот и да постапува независно. Тој рече дека СДСМ ќе продолжи да го отвора прашањето и да бара одговорност.






Коментари (0)
Коментарите за оваа објава се затворени.