Порибувањето го спровело регистрираното мрестилиште „Акватика“ од Неготино. За неговата реализација Министерството за земјоделство, шумарство и водостопанство обезбедило 500.000 денари преку Програмата за финансиска поддршка во рибарството и аквакултурата за 2026 година.
Министерот Борче Серафимовски рече дека порибувањето треба да помогне во обновата на локалната популација на крап. Тој најави и понатамошни вложувања и заштита на рибниот фонд, со цел да се придонесе за зачувување на биодиверзитетот на Преспанското Езеро.
Порибувањето го следеле инспектори од Државниот инспекторат за земјоделство, кои ја контролирале вкупната тежина на подмладокот и бројот на рибите пуштени во езерото. Директорот на инспекторатот, Ивица Ангеловски, најави засилени контроли на езерото и продолжување на соработката со риболовните здруженија, со цел навремено откривање и спречување незаконски риболов.







Коментари (0)
Коментарите за оваа објава се затворени.