Меѓу темите на средбата беа примената на дигиталните технологии во земјоделството, подоброто планирање, приспособувањето кон климатските услови и зголемувањето на продуктивноста преку поефикасно користење на ресурсите.
За македонското земјоделство, европската интеграција подразбира усогласување на правилата и зајакнување на институциите. Прецизни постапки и стручна помош можат да им го олеснат на земјоделците и преработувачите приспособувањето кон барањата на ЕУ.
Серафимовски оцени дека европските стандарди имаат практична вредност кога земјоделците можат да ги применат во стопанствата, да го потврдат квалитетот на производите и да ги понудат на нови пазари. Тој рече дека соработката со Италија дава можност искуството во примената на стандардите да им се доближи на домашните производители.
Соговорниците оцениле дека органското производство има развоен потенцијал и може да им донесе дополнителен приход на домашните земјоделци преку пласман на пазари што ги ценат потеклото на производот и начинот на одгледување.







Коментари (0)
Коментарите за оваа објава се затворени.