Министерството веќе спроведува координирани теренски активности со Министерството за внатрешни работи, Меѓуопштинскиот центар за социјална работа Скопје и други надлежни институции. Заедничките мобилни тимови ги идентификуваат децата на улица, ги проценуваат нивните потреби и ризици и ги утврдуваат семејните и социјалните околности.
Поддршката опфаќа индивидуална работа со секое дете и неговото семејство, социјална заштита, вклучување во образованието и пристап до здравствени и социјални услуги. Дневниот центар за деца на улица обезбедува стручна, едукативна и советодавна поддршка за децата и семејствата.
Работата на надминување на причините за детското питачење вклучува поддршка за семејствата, остварување на правата од социјална заштита и вклучување на возрасните членови во активни мерки за вработување.







Коментари (0)
Коментарите за оваа објава се затворени.