ВЛЕН наведува дека Владата го одобрила предлогот за полагање на правосудниот испит и на албански јазик. Партијата тврди дека оваа можност се предвидува за првпат и дека се заложила прашањето да добие институционално решение по разговорите со студентите.
Усвојувањето закон за правична и соодветна застапеност на сите етнички заедници е едно од главните ветувања на ВЛЕН, се наведува во објавата. Партијата ја обвинува опозицијата дека го блокира законот и оценува дека одговорноста за завршување на процесот ја имаат сите парламентарни субјекти што ја поддржуваат Охридската рамковна спогодба.
ВЛЕН се залага и за усвојување предлог-закон со кој ангажманите со договори би се преобразиле во редовен работен однос на неопределено време за лицата што ги исполнуваат условите. Партијата тврди дека вработувањето во јавната служба не треба да биде средство за политичка уцена.







Коментари (0)
Коментарите за оваа објава се затворени.