Во конкуренција биле полициите на Сингапур и Абу Даби, Управата за патишта и транспорт на Дубаи и полициската служба на индиската држава Махараштра. За наградите пристигнале повеќе од 700 номинации од над 60 држави во 13 категории. Победниците се избираат преку независно стручно оценување, интервјуа и процена на технолошките и оперативните резултати.
На прес-конференција министерот за внатрешни работи Панче Тошковски презентираше податоци за сообраќајните последици. Од јануари до октомври 2026 година загинале 85 лица, наспроти 117 во истиот период од 2025 година и 119 во 2024 година. Бројот на тешко повредени се намалил од 872 на 748 во споредба со истиот период од 2025 година.
За периодот февруари–октомври, од почетокот на примената на системот, Тошковски презентираше податок за намалување на загинатите од 108 на 74. Тој ги поврза резултатите со заедничкото дејствување на „Безбеден град“, засилените полициски контроли, законските измени и превентивните активности.
Официјалното доделување на признанието е предвидено за 18 ноември 2026 година во Дубаи.







Коментари (0)
Коментарите за оваа објава се затворени.