Според СДСМ, потрошувачката кошничка во октомври надминала 70.000 денари, а со кирија достигнала околу 90.000 денари. Партијата ја наведува минималната плата како 26.000 денари.
СДСМ тврди дека ниту три плати не се доволни за основните животни трошоци и дека работниците едвај врзуваат крај со крај, со најниски плати во Европа. Според партијата, околу 180.000 од вкупно 540.000 вработени земаат помалку од 31.200 денари месечно.
Партијата тврди дека премиерот Христијан Мицкоски одбил да ја покачи минималната плата на 600 евра. Таа наведува дека од наредната година се најавуваат поскапувања на струјата и парното, а дека во буџетот нема пари за мерки и поддршка.
СДСМ тврди дека Мицкоски ја довел државата до колапс со дупка од околу 900 милиони евра и дека трупа нови скапи задолжувања, кои ќе ги плаќаат граѓаните и идните генерации. Партијата го обвинува за трошење пари на криминални партиски тендери.







Коментари (0)
Коментарите за оваа објава се затворени.