Во дискусијата ќе бидат вклучени претставници на Министерството за надворешни работи и надворешна трговија и на Стопанската комора на Северна Македонија. Ќе се разгледуваат значењето на регионалната економска соработка за европската интеграција на земјите од Западен Балкан, улогата на економската дипломатија, придобивките од 20-годишното функционирање на ЦЕФТА и предизвиците на регионалната интеграција.
Настанот е закажан од 11 до 12:30 часот во салата за состаноци на факултетот. Студентите и сите заинтересирани се поканети да присуствуваат и да поставуваат прашања.
Дискусијата е во рамките на проектот Еразмус+ Жан Моне Катедра „EUMarket“, кофинансиран од Европската Унија за периодот 2024–2027.







Коментари (0)
Коментарите за оваа објава се затворени.