На конкурсот може да учествуваат ученици од основните и средните училишта, како и возрасни автори. Во секоја од трите категории ќе бидат доделени прва, втора и трета награда.
Се примаат литературни состави во поезија или проза, посветени на Светите Петнаесет Тивериополски свештеномаченици. Делата треба да бидат оригинални и самостојни, а да не биле претходно објавени или наградени на друг конкурс.
Секоја творба треба да се достави во три примероци, испишани на компјутер и отпечатени, потпишани со шифра. Шифрата и податоците за авторот се ставаат во мал плик, кој се приложува во поголем плик со трите примероци. На пликот треба да стои назнака дека е за литературен конкурс.
Творбите може да се достават директно во библиотеката секој работен ден од 7 до 19 часот или по пошта на ул. „Благој Мучето“ бр. 26, 2400 Струмица. Конкурсот е распишан по повод празникот на Светите Петнаесет Тивериополски свештеномаченици, кој се одбележува на 11 декември.







Коментари (0)
Коментарите за оваа објава се затворени.