Иницијативата беше отворена на работна средба на градоначалникот Петар Јанков со училишните психолози и директорката на Центарот за социјални работи Струмица. Средбата се одржа на 9 ноември, а на неа се разговараше за навремена едукација на младите, особено во адолесценцијата.
Предвидено е да се формира работно тело од неколку психолози или семејни терапевти. Во соработка со Центарот за социјални работи Струмица и Психо-социјалното советувалиште, тоа ќе ја подготви програмата и содржините на работилниците.
Работилниците се планираат кон крајот на ноември, во рамките на кампањата „16 Дена активизам против насилството врз жените“. Преку интерактивни активности, средношколците треба да учат да ги препознаваат облиците на насилство, да ги разбираат своите права и лични граници, да градат здрави односи и да се запознаат со механизмите за заштита и институционална поддршка.







Коментари (0)
Коментарите за оваа објава се затворени.