Промоторот „Live Nation“ ја потврдил конечната заработка, а според рангирањето наведено од „Variety“, турнејата е трета по заработка во историјата, зад „Eras“ на Тејлор Свифт, со над две милијарди долари, и „Music of the Spheres“ на Колдплеј, со над 1,5 милијарди долари. Претходниот рекорд за машки изведувач го држеше турнејата „Farewell Yellow Brick Road“ на Елтон Џон, со заработка над 939 милиони долари. Финалниот настап на Викенд беше во Куала Лумпур.
Турнејата започна во јули 2022 година и опфати 176 настапи во 67 градови, 30 земји и пет континенти, со повеќе од девет милиони продадени билети. Азискиот дел заврши со 17 настапи, откако првично беа најавени 11.
Викенд досега донирал 8,5 милиони долари во „XO Humanitarian Fund“ и „Global Citizen“ за помош при глобален глад и пристап на децата до квалитетно образование. Во 2026 година биле собрани три милиони долари за Светската програма за храна на ОН и „Global Citizen“. Овогодишните придонеси за „Global Citizen“ ќе поддржат кампања за надминување на пречките со кои се соочуваат жените и девојките во здравството, образованието и економските можности.







Коментари (0)
Коментарите за оваа објава се затворени.