На повикот може да учествуваат спортски клубови и здруженија, спортисти, други правни лица од областа на спортот, училишни спортски клубови и сојузи, спортски школи и граѓански здруженија со регистрирано седиште во општината. Секој апликант може да поднесе едно барање, кое може да опфати повеќе активности.
Немаат право на учество апликанти со финансиски долгови кон општината, нереализирани активности или недоставени извештаи за претходно одобрени проекти. Повикот не се однесува на оние што веќе поднеле пријави, кои се сметаат за уредно доставени.
Пријавите се поднесуваат во затворен плик преку архивата на општината, до Одделението за јавни дејности. Потребни се пополнет образец, копија од трансакциска сметка и доказ за регистрација, кој треба да содржи тековна состојба од Централниот регистар не постара од шест месеци и копија од решение за вршење дејност спорт. Образецот ќе биде објавен на веб-страницата на општината.







Коментари (0)
Коментарите за оваа објава се затворени.