Освен европските програми, беа разгледани и можностите за заедничко аплицирање кај меѓународни фондови и други донаторски организации. Целта е институционалните капацитети на Градот да се здружат со експертизата на граѓанските организации за да се обезбедат дополнителни извори на финансирање и да се развијат и спроведат заеднички иницијативи во интерес на граѓаните.
Учесниците имаа можност да споделат искуства, ставови и предлози за приоритетните области на соработка, подобра комуникација и транспарентност, како и за механизмите за поддршка на граѓанските иницијативи. Со работилницата започна консултативниот процес чија цел е обновување, зајакнување и унапредување на партнерството меѓу Град Скопје и граѓанскиот сектор.
Град Скопје оценува дека соработката во изминатите години не била на посакуваното ниво. Намерата на Градот е да воспостави редовен и отворен дијалог со организациите и да го поттикне нивното активно учество во креирањето и спроведувањето на локалните политики.
Подготовката на стратегијата ја води здружението Флорозон – Центар за еколошка демократија, во соработка со надлежните градски служби. Новиот документ се подготвува со намера да се воспостават поефикасни и поодржливи механизми за соработка. Првата стратегија била донесена за периодот 2007–2010 година, а потоа следувале стратегиите за 2013–2016 и 2019–2021 година.
Стратегијата ќе содржи конкретни стратешки цели, приоритети, мерки и акциски план со утврдени активности и показатели за следење на нивната реализација. Во подготовката се предвидени дополнителни консултации со заинтересираните страни за пошироко вклучување на граѓанскиот сектор.







Коментари (0)
Коментарите за оваа објава се затворени.