385 вести · 24 ч.
Берово 1°
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Битола денес со цвеќе ќе одбележи 82 години од формирањето на Првата егејска бригада

Фотографија од настанот · Тодор Петров
Фотографија од настанот · Тодор Петров
  • Културно-уметничка програма ќе изведе битолското КУД „Гоце Делчев“.
  • Покровител на традиционалното чествување е градоначалникот на Битола.
  • Таа влегла во составот на НОВ и ПО на Македонија.

Со полагање свежо цвеќе на спомен-плочата на чешмата до Пожарната во Битола, денес во 11 часот ќе се одбележи 82-годишнината од формирањето на Првата егејска македонска ударна бригада.

Претставници на Општинската организација на Сојузот на борците од Битола денес положија свежо цвеќе пред спомен-чешмата кај Пожарната.

Чествувањето го организираат Сојузот на здруженијата на Македонците и децата бегалци од Егејскиот дел на Македонија МАКЕДОН и Здружението на Македонците од Егејскиот дел на Македонија од Битола. Поканата е упатена до сите добронамерни Македонци и до сите здруженија на Македонците од Егејскиот дел на Македонија.

Пред присутните ќе се обратат претседателот на Сојузот МАКЕДОН, Александар Јаневски, и градоначалникот на Битола, Тони Коњановски. Културно-уметничка програма ќе изведе битолското КУД „Гоце Делчев“.

По собирот до Пожарната, цвеќе ќе се положи и на гробот на Андреј Чипов, генерален секретар на КПГ и претседател на ВМРО-Обединета за Егејска Македонија, на гробиштата до црквата „Света Недела“ во Битола. Ќе биде посетен и гробот на Александар Поповски, почесен претседател на битолското Здружение на Македонците од Егејскиот дел на Македонија, каде што исто така ќе се положи цвеќе.

Покровител на традиционалното чествување е градоначалникот на Битола. Поканети се градоначалниците и советите на Битола, Новаци и Могила, Сојузот на борците на Битола и партиите што имаат советници во битолскиот Совет.

Спомен-плочата го означува местото каде што на 18 ноември 1944 година била формирана бригадата од Леринско-костурската народноослободителна бригада, Воденскиот македонски баталјон и дел од бригадата „Гоце Делчев“. Таа влегла во составот на НОВ и ПО на Македонија. Плочата носи датум 18 ноември 1984 година и посвета од работните луѓе и граѓаните на Битола.

При формирањето, бригадата броела над две илјади борци, распоредени во четири баталјони. Командант бил Илија Димовски-Гоче, негов заменик Наум Пејов, политички комесар Михаил Керамитчиев, а заменик-комесар Вангел Ајановски-Оче.

На 3 јануари 1945 година бригадата била прекомандувана во Гостивар и Тетово, каде што учествувала во борбите против балистичките вооружени групи. Во почетокот на март била стационирана во Битола и Гевгелија. Со наредба на Главниот штаб на НОВ на Македонија од 2 април 1945 година била расформирана, а борците биле распоредени во други единици. Сојузот на борците го поврзува расформирањето со меѓународните импликации од ситуацијата во Грција.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.