Во манифестацијата учествуваа образовни институции од Делчево, месната заедница, локални институции, производители на ракија и здруженија на граѓани. Учениците од прехранбената насока во СОУ „М.М. Брицо“ подготвија специјалитети од сливи.
Во центарот на селото се вареше ракија и се подготвуваше мармалад, а на штандовите беа изложени производи со сливи. Град е едно од значајните подрачја за производство на сина слива во Пијанец.
Епитетот за највесела ракија го доби ракијата произведена од Венко Синадинов, а второто место му припадна на Атанас Ангеловски. Наградата за најубаво уреден штанд ја добија штандот на фарма Долнени од Кичево и СОУ „М.М. Брицо“ од Делчево.
На сцената настапија КУД „Гоце Делчев“, фолклорната група при НУЦК „Никола Јонков Вапцаров“ и инструменталисти и вокалисти од селото. Манифестацијата ја организираа Општина Делчево, НУЦК „Никола Јонков Вапцаров“, месната заедница, локални институции и бизнис-секторот.







Коментари (0)
Коментарите за оваа објава се затворени.