Системот е предвиден преку проектот „Community Solar Garden“, во соработка со здружението „Изгрејсонце“.
Другиот проект е насочен кон зелената мобилност и опфаќа поставување полнач за електрични возила на паркингот на Општина Ѓорче Петров. Партнер во овој проект е здружението „Go Green“.
Проектите се дел од иницијативата претставена на настанот за енергетски заедници во локалната самоуправа, посветен на соларната енергија и зелената мобилност. Таму Општината ја претстави својата работа за развој на енергетските заедници и соработката со граѓанскиот сектор и стручните организации.
На настанот беа доделени благодарници за придонесот и соработката. Посебно признание им беше упатено на здруженијата „Go Green“ и „Изгрејсонце“, на „SmartAP“ – Лабораторијата за социјални иновации и на останатите партнери вклучени во реализацијата на проектите.







Коментари (0)
Коментарите за оваа објава се затворени.