Најважно
379 вести · 24 ч.
Берово 2°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема

Љубов или контрола: прилепски ученички разговараа за знаците на насилство

Фотографија објавена на јавниот профил на СОУ Ристе Ристески Ричко Прилеп
Фотографија објавена на јавниот профил на СОУ Ристе Ристески Ричко Прилеп

Ученичките од трета година во СОУ „Ристе Ристески Ричко“ во Прилеп разговараа за разликата меѓу љубовта, довербата и почитувањето и однесувањата што подразбираат љубомора, контрола, манипулација и насилство, на едукативна работилница посветена на насилството врз жените и девојчињата.

Преку интерактивни активности, групна работа и размена на ставови, ученичките ги разгледуваа различните облици на насилство. Разговараа и за препознавањето на предупредувачките знаци и за поставувањето лични граници.

Работилницата „Кажи го гласно своето НЕ – не е љубов ако боли!“ ја водеше педагогот Ирена Пипиџаноска. Ова беше уште една работилница од кампањата „16 дена активизам против родово базираното насилство“.

Целта беше да се поттикнат самопочитувањето, личната одговорност и храброста да се препознае и именува насилството, да се побара помош и да се проговори без страв и чувство на вина. Училиштето порача дека љубовта не контролира, не понижува и не повредува и дека секоја девојка има право на врска исполнета со почитување, сигурност и доверба.

Имате дополнителна информација или забелешка за текстот? Контактирајте ја редакцијата.

Коментари (0)

Коментарите за оваа објава се затворени.