Според Филипче, предлог-законот објавен на ЕНЕР предвидува бришење на членот 120, со кој се утврдува таа уплата. На прес-конференцијата тој предупреди дека е на повидок скандал и праша дали бришењето на членот би значело укинување на вториот столб.
Од Мицкоски побара објаснување и за досегашните уплати. Филипче тврди дека пензискиот фонд со месеци не префрла пари во фондовите од вториот столб и праша дали се загрозени средствата што членовите ги издвојуваат за своите идни пензии.
Според СДСМ, во вториот столб не се префрлени над 5 милиони евра. Филипче на прес-конференцијата рече дека недостасуваат 50 милиони евра. Тој тврди и дека пензионерите се оштетени и дека дупката во пензискиот фонд изнесува една милијарда евра.
Филипче предупреди дека за секоја задоцнета или неизвршена уплата се пресметува камата. Праша кој ќе одговара за каматите и дали, ако се покренат тужби, парите ќе бидат исплатени со камата.






Коментари (0)
Коментарите за оваа објава се затворени.