
Даниела Николова
До Претседателот на Собрание на Република Северна Македонија Г-дин Африм Гаши
Предмет: Пратеничко прашање
Согласно член 38 и 39 од Деловникот на Собранието на Република Северна Македонија поставувам пратеничко прашање до министерот за здравство Сашо Клековски.
Постапката за вакцинација против сезонски грип е во тек и во пикот на сезоната.Поради бројката на достапност на вакцини,проблем при пријавување и поврат на одговор при пријавување кај граѓаните постои основано сомневање дали ќе можат да се пријават преку системот и дали воопшто ќе можат да се вакцинираат.
Имајќи ја предвид важноста на превенцијата и навременото примање на вакцината против сезонски грип,пратеничките прашања гласат:
1.Колку граѓани има пријавено за вакцинирање против сезонски грип?
2.Кога ќе пристигне новата количина на вакцини и дали ќе се задоволат сите потреби?
3.Што се случува со системот за пријавување за вакцинација?
Ако го имаме во обзир значењето на ова прашање,кратките рокови за постапување и спроведување на истиот барам навремено и целосно доставување на бараните информации.
Пратеник: Даниела Николова