
Реџеп Исмаил
ПРАТЕНИЧКО ПРАШАЊЕ од пратеникот Реџеп Исмаил, поставено на 61-та седница на Собранието на Република Северна Македонија одржана на 31 јули 2025 година Пратеничкото прашање гласи: Благодарам потпретседателке. Јас имам две прашања, едното прашање е за две институции, а тоа е за Државната изборна комисија и АВМУ, не гледам претставници тука. Но затоа овие прашања ќе ги оставам писмено да ги поставам, не гледам друг излез. А второто прашање ми е за министерот за надворешни работи господинот Тимчо Муцунски и тој гледам дека не е тука, не издржа до крај. Но неговиот заменик е тука па ќе искористам прилика да го поставам прашањето на заменикот на министерот за надворешни господинот Тимчо Муцунски. Имено господинот Тимчо Муцунски четири прашања ми нема одговорено, ни писмено, ни усмено, не знам веќе како да допрам до него, кога доаѓам на ред до прашување, увек го нема и денес дознав дека Комисијата за, меѓу историската Комисија имало покачување на плата од 78%, а моето прашање кое што цело време го избегнува министерот е баш беше тоа, поврзано со оваа Комисија односно за потребата од нејзино реафирмирање. Никогаш не одговори на тоа прашање, но денес дознав за што е така. Но добро, сега се однесува на едно друго прашање во однос на активностите на нашиот министер. А тоа е во врска со декларацијата за стратешко партнерство која пред две недели министерот ја потпиша во Лондон со британскиот секретар за надворешни работи Дејвид Лами. Имено, во оваа декларација, односно во соопштението кое МНР го издаде по повод овој настан во Лондон, беше наведено дека целта на оваа декларација, односно содржината внатре е заради не знам стратешка соработка, партнерство, безбедност во НАТО, па дури имаше за правда и внатрешни работи, но немаше ништо во врска со она што за истата оваа декларација по повод истиот настан. Токму неговиот колега во Твитер, на официјалниот неговиот Твитер профил кој што меѓу другото вели дека таа се однесува и на соработка за спречување со нелегална миграција, односно кај него е нели факт илегл имигрејшн. И сега за да не шпекулираме, јас би сакал и директно да ве прашам на што се однесува тоа конкретно и дали конечно ние ќе добиеме во интегрална форма оваа декларација за да не шпекулираме за што се работи, да можеме ние самите да видиме што навистина содржи таа декларација за која мислам дека итно беше повикан без најава, дури дознавме од медиумите дека веќе е во Лондон министерот за надворешни работи и би сакал да знаеме на што се однесува ова. Дали вие намерно во вашето соопштение не го споменавте ова и дали и кога ќе ја добиеме интегрално, па и не мора на македонски јазик, на англиски јазик, битно да знаеме што е попишано. Благодарам.