
Даниела Христова
ПРАТЕНИЧКО ПРАШАЊЕ од пратеникот Даниела Христова, поставено на 82-та седница на Собранието на Република Северна Македонија одржана на 29 јануари 2026 година Пратеничкото прашање гласи: Почитуван министер, Министерството со кое вие раководите е релативно ново, но за периодот откако е формирано па досега, постигна високи резултати и воспостави стандарди кои навистина недостигаа во Република Македонија. Брзата реализација на стратешките активности, подобрување на ефикасноста и транспарентноста во работењето се доказ дека вистински реформи се можни кога се има визија и одговорност кон граѓаните, а оваа Влада го поседува токму тоа. Министерството за дигитална трансформација постои краток период, но постигна многу. Воведе нови дигитални услуги достапни за сите граѓани. Ги скрати административните процедури и времето на чекање, работи на зајакнување на сајбер безбедноста и заштита на податоците, а исто така воспостави механизми на координација меѓу институциите и така натаму. Она што мене ме интересира и голем број граѓани, се новоотворените центри за услуги во неколку градови во државата, за кое лично јас сметам дека се одлична новина, но и дека е потребна поголема промоција, зашто голем број граѓани не се запознаени и се уште не знаат дека, со посетата на еден ваков центар, конечно ќе добијат брзи, ефикасни и транспаренти административни услуги и сето тоа на едно место. За нив тоа значи многу, затоа што се заштедува време, значи помалку време по чекални, а повеќе време за семејството. Исто така, помалку бирократија, а повеќе функционалност и доверба. Почитуван министер, да го формулирам моето прашање. Дали планирате вакви центри за услуги во сите градови во Република Македонија и дали може да не запознаете конкретно какви услуги нудат овие центри.