
Даниела Николова
ПРАТЕНИЧКО ПРАШАЊЕ од пратеникот Даниела Николова, поставено на 95-та седница на Собранието на Република Северна Македонија одржана на 26 март 2026 година Пратеничкото прашање гласи: Второто прашање се однесува на заменик министерот Лабудовиќ, а е околу проблемот поврзан со последниот настан во РЕК Битола. Имаме информации, тоа веќе, нели јавно се споделени информации, дека во РЕК Битола поголем број на работници се жртви на масовно труење кое се случило во кујната на РЕК Битола. Инспекциските служби на АХВ, како и други надлежни институции излегле на терен. Наредено било вонредно чистење на кујната и вонредни санитарни прегледи на вработените. Со бројките се калкулира, раководството најпрво велеше дека се од 5 до 6 работници затруени, да вчера слушнавме дека се 80-тина, а денес да слушаме дека веќе бројката се искачува и на трицифрена бројка на заболени работници. Заменик министер, жалам што министерката не е овде да одговори, но еве, и вие го имате тоа право. Кој е одговорен за оваа ситуација и дали ќе преземете нешто, нели согласно Законот и да бидат навистина казнети оние кои што го доведоа РЕК Битола во една ваква сериозна ситуација. Благодарам.