Најважно
352 вести · 24 ч.
Берово 6°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема
ПРАШАЊЕ & ОДГОВОР

Мециновиќ праша дали Владата ќе иницира минимална плата од 600 евра

Резиме

На 85-та седница, Амар Мециновиќ го праша министерот за економија и труд дали одбивањето да се зголеми минималната плата е политички избор и дали Владата ќе покрене иницијатива таа да достигне 600 евра. Тој тврдеше дека работниците се недоволно платени и ги оспори аргументите дека повисоката минимална плата би предизвикала затворање фирми и инфлација.

Министерот одговори дека Владата не е против зголемување на платите, но дека одлуките треба да се засноваат на економски параметри и раст на продуктивноста. Посочи дека Владата ги зголемувала платите во јавниот сектор и дека може да посредува во договор меѓу синдикатите и работодавачите. Според него, нагло зголемување на минималната плата може да ја намали куповната моќ, да ја зголеми инфлацијата и да доведе до губење работни места.

ПРАТЕНИЧКО ПРАШАЊЕ

Амар Мециновиќ

ПРАТЕНИЧКО ПРАШАЊЕ од пратеникот Амар Мециновиќ, поставено на 85-та седница на Собранието на Република Северна Македонија одржана на 18 февруари 2026 година Пратеничкото прашање гласи: Почитувани колеги пратеници, почитувани претставници на Владата. Моето прашање до министерот за економија и труд е дилема на речиси пола милион граѓани кои преживуваат со под 400 евра месечно или околу 400 евра. Граѓани, работници кои со години се борат за подостоинствен живот за себе и за своите семејства. Кои со месеци се борат против десничарска влада и кој се веќе со недели ги гледаме пред вратите на нашите институции како ги блокираат институциите. Се со цел за вие и ние да ги слушнеме. Но, за возврат овие граѓани овие работници добиваат пред се тишина, потоа добиваат одбивање и на крај добиваат громогласна борба која ја води вашата Влада против нив. Истовремено сите аргументи ви се празни економски аргументи кои се користат со децении. Но, кој секој пат се погрешни како и во овој случај. Вие повторувате јавно дека нема да има зголемување на платата надвор од законското предвиденото зголемување и дека ако има договор ќе има договор помеѓу работодавците и работниците. Не може да се договори предаторот и жртвата. Вие тоа го знаете, што значи дека свесно излегувате од три партитниот дијалог. Тоа е вашата позиција, како агенти на хистеријата ни велите дека ако се зголеми минималната плата дека ќе има економски колапс, дека ќе има инфлација, дека ќе се затвараат фирми дека работници губат работа. И нај омилениот ваш аргумент за продуктивноста. Ајде да зборуваме за продуктивноста затоа што велите дека тие работниците треба да чекаат, но работниците на оваа држава чекаат 30 години и нивното трпение е изминато. Вашиот омилен аргумент за продуктивноста кој го велите како човек со само доверба на човек кој не треба на крајот на месецот да рачуна како ќе го преживее крајот на месецот. Од таму вашата самодоверба да давате вакви апсурдни аргументи. Ајде министре да зборуваме за продуктивноста која велите дека мора да се зголеми пред да се зголеми пред да се зголеми минималната плата. Ајде да ја видиме математиката на експлоатација што ја брани вашата влада. во просек во Македонија работник кој заработува 24 илјади денари, генерира вредност од 5 илјади евра месечно за својот работодавец. Ова ќе го повторам јавно доставен запишано во сите списи на ова Собрание. нашиот работник кој добива 24 илјади денари месечно генерира вредност за неговиот работодавач од 5 илјади евра месечно. Ова е математиката на продуктивност која вие пробувате да ни ја кажете. Тоа значи дека само 16% од вредноста која работниците ја креираат со свои раце, останува кај нив. Додека останатите одат нагоре во корпоративни профити во џебовите на олигархијата и џебовите на вашите политички врски кои ве спонзорираат. Таму оди вредноста на работникот. Се што создава работникот, секоја додадена вредност не завршува во неговото семејство туку завршува конкретно кај олигархиските спонзори кој вас ве спонзорираат. Аргументот за продуктивноста почитуван министре, не е економиски туку е идеолошки. Тоа има намера да го заштити богатењето на крупниот капитал, а да ги држи работниците на свое место. Во Македонија со децении постоела диспаритет, колку се нашите работници продуктивни, а колку добиваат пари. Ова е тренд во цела југоисточна Европа и многу студии ова го потврдуваат. Вашиот аргумент за продуктивноста е не релевантен. Затоа што богатството во Македонија постои. Но прашањето е каде завршува тоа богатство. Тоа богатство завршува кај фирмите кои вие пробувате да ги заштитите. И не мораме да зборуваме дополнително ќе ги спомнеме. Сите студии за продуктивност велат дека зголемувањето на платите носи до поголема продуктивност, а тоа можете да го видите и во вашата сопствена економија. Каде што подобро платените работници се по продуктивни од тие кои не се толку добро платени. Тоа е во вашиот ресор почитуван министре. Ајде потоа да збориме за вашето сеење став за инфлација и за економски колапс кои ќе ни се случи. Секој пат кога работниците бараат достоинствени плати одма се активира истиот хор. Еве сме пред економски колапс. Еве само фирмите што не затвориле, еве само што не изгубиле работа без број работници. Овој аргумент е стар колку и капитализмот и секој пат погрешен. Зошто? Наводно вие се плашите за малите бизниси, овде сте во улога на загрижен прет приемач. Но, позади тој реторички штит стојат лобистите, а кој има моќ да лобира кај вас, малите бизниси, пекарите. Не. Ние олигархијата и крупниот капитал на кој не му се зголемуваат даноците и не му ја зголемувате минималната плата. Зошто тоа не го правите. За тоа што целата македонска јавност треба да знае дека вашата Влада дозволува тука да постои економски бизнис модел кои заснива на натпреварот до дното т.е. за ниски плати. Нашите фирми не иномираат, не модернизираат. Напротив се натпреваруваат кој може да даде пониска плата и тоа вие да им го овозможите да помине непрочено. Реторичкиот штит е за бизнис моделот кој не модернизира кој не оди нагоре во ланецот на вредност, кој нема иновација. Овој бизнис модел зависи од платите кои осигуруваат сиромаштија, не плати кои дозволуваат достоинствен живот. Му треба на овој модел вакви плати за да функционира. Олигархијата го прави своето богатство не од иновации, модернизација. По тоа е најголемата вистина која сите тука ја знаеме. Нашата олигархија од што се иновативни го има направено богатството. Не туку преку чиста аритметика на плаќање на нај ниската можна плата на нашите работници. Трка до дното, тоа се нашите фирми кои вие ги штитите во овој случај. Ако се занимаваме со тоа што велите дека немаме пари, тогаш треба да разговараме за следното. Зошто не ги зголемите даноците, ако не им ги зголемите минималните плати ќе воведете ли поголем данок за фирмите кои заработуваат од работниците. И понатаму, овие фирми нема да умрат од зголемување на платите. Но, ако се од бизнис модел им се заснива на плати за сиромаштија, дозволете им да умрат. Нека умрат фирмите кои не можат да дозволат достоинствени плати за граѓаните на Македонија. Затоа што ваквото штитење носи до не достоинствен живот. На нас семејствата ќе ни се распарчуваат затоа што фирмите кои не можат да поднесат повисоки плати. Вие ќе ги штитите. Не, тоа нема да го дозволиме. Ако умираат, нека умрат. Не прават ништо освен експлоатација на богатството кое го произведуваат работниците. Вие ги штитите од натпревар, ги штитите од одговорност проблемот. Е во бизнис културата која вие ја негувате. Ги штитете експлоаторите и тоа го викате економска политика. Ги штитите профитерите и велите дека тоа е фискална одговорност. А барате работниците да се жртвуваат. Немало пари за зголемување на плати, но имате за луксузни расходи, имате нови авиони, имате нови возила и многу пари за оружје и за НАТО. Привилегиите на вашата политичка каста се зголемуваат во навредено и безобразно темпо. Крал би ви позавидел на привилегиите кои ги уживате. Не е затоа што нема пари, туку затоа што ултра богатите и крупниот капитал не плаќа својот дел од сметката. Толку е просто. Ендемско затајување на данок имаме кај големите фирми. Затоа што сивата економија голта милијарди евра кои може да се искористат за социјални програми. Е таму има пари. Затоа што вашата Влада постојано ги штити олигарсите и профитерството кои го кријат со кое го создаваат своето богатство. На работниците им велите нема пари за плати. Што не им кажете на олигарците дека нема пари да затајуваат данок. Што не им кажете дека пари за нивниот луксуз, дека нема време веќе да чекаме да им текне да ги модернизираат своите фирми. Не, само на работниците имате што да им кажете. На тие кои немаат ништо нив можете да ги прекорувате и да им велите да ќутат и да чекаат вие да им се смилувате. Во меѓувреме имаме имиграција се додека вие зборувате дека ќе има економски колапс ние веќе го живееме тој економски колапс. Нашите работници мигрираат почитуван министре. И цело време зборувате за една формула една формула. Еве ќе ви кажам дека има една вистина, има една Македонија во која има министер за труд кои треба да ги користи своите ингеренција во економијата. Не, вие сте министер за економија кој го подјавнува трудот. И затоа да ги видиме на крај вашите аргументи. Вие велите за продуктивност, наспроти тоа имаме чиста математика на експлоатација. Вие велите дека ќе има економски колапс. Јас ви го давам аргументот на миграцијата. Веќе сме во економски колапс. Вие велите дека ќе ги штитите малите работници зад малите бизниси, зад тоа се кријат најголемите експлоататори. Вие велите дека треба да има фискална одговорност, но олигархијата затајува данок. Затоа моето прашање е дали конечно ќе признаете дека не зголемувањето на минималната плата е ваш политички избор или па до крајот на оваа седница ќе покренете иницијатива за зголемување на платата на 600 евра. Благодарам.

ОДГОВОР ОД ИНСТИТУЦИЈАТА

Министерство за економија и труд

О Д Г О В О Р на пратеничко прашање од пратеникот Амар Мециновиќ, поставено на 85-та седница на Собранието на Република Северна Македонија, одржана на 18 февруари 2026 година Почитуван пратеник, пред да ви дадам одговор на вашите прашања, мала информација за бројот на вработените кои се во приватниот сектор и јавен сектор. И зошто зборувам така, затоа што темата за минимална плата е дневно политичка тема, од колку реално барање. Имаме вкупно 700 илјади вработени од кои се 100 илјади во јавен сектор и 600 илјади во приватен сектор. Знаеме дека од тие 30 илјади кои што добиваат минимална плата се регистрирани во своите компании како индивидуални трговци. Кој што не зависат од својата минимална плата туку и приходите кои што влегуваат во нивните фирми. Ако се гледа овој број во проценти кои што се трговци поединци, околу 3 или 4% е бројот на процентот на вработените кои што имаат минимална плата во нашата држава. Сите друфи имаат поголема плата од минималната и ние сме задолжени да се грижиме кон овие вработени од 3 или 4%. Но, не го гледаме само овие 3% или 7%. Но, општата слика и како Влада неколку пати сме кажале дека не сме против зголемување на платите или минималната плата. Ние покажавме со зголемување на платите во јавниот сектор со договор со синдикалците. Во здравство, со зголемување во образование, министерство за одбрана, пензиите и ги зголемуваме платите, но константно врз основа на економските параметри врз реално економско зголемување и со зголемување на продуктивноста затоа што ја имаме нај ниската продуктивност во регионот и ги подржуваме компаниите преку различни закони, оперативниот план над 3 илјади старт апови од кои што 85% се млади од нашата земја која аплицираат, а сега дејствуваат. Во врска со вредноста на минималната плата повторно ќе повторам, ние сме пред земјите од регионот во врска со куповната моќ преку минимална плата. Може да имаме 1000 евра минимална плата. Но колку вреди таа плата. Ние имаме поголема куповна моќ од Чешка, Литванија, Албанија, Црна Гора, Турција. Но, ние треба да ги постигнеме европските земји како Белгија, Германија и земјите како Хрватска итн. Да не ги спомнувам сите. Но, ние работиме за да го подржуваме приватниот сектор за да стигнеме до таа точка. И секоја одлука адхот одлука која што не е заснована на економски параметри ќе придонесе кон тоа кои што го кажуваме секогаш. Ако се затвараат компаниите како што викате вие нека умрат тие компании, но таму има вработени кој што ќе останат без работа. И ако имаме минимална плата со адхот одлука како што е од барањето кое што викаме дека е политичко барање. Ќе се намали куповната моќ и ќе се зголеми инфлацијата. Во јануари имаме 0,7% намалување на инфлацијата. Сите тоа што работеа и тие што не се унапредени со години по 10 или 15 години, тие се унапредени во согласност со Законот и правилата. Во врска со договорот меѓу синдикатите и работодавците тоа е нешто што ние можеме да помагаме во тој процес, ние неколку пати кажавме и повторувам, секогаш кога ќе бидат ќе се договорат тие, ние ќе бидеме таму да им помагаме. И работодавците финансиски да им помагаме на работниците зголемувајќи ја платата во секој сектор и да го видиме и да го разгледаме животниот стандард на сите граѓани. Благодарам.

Сите пратенички прашања