Најважно
347 вести · 24 ч.
Берово 8°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема
ПРАШАЊЕ & ОДГОВОР

Апасиев праша за бизнисите на роднина, премиерот ги отфрли обвинувањата

Резиме

Пратеникот Димитар Апасиев го праша премиерот за фирмите и донациите на неговиот баџанак Јорданчо Јанев и за бизнис-врските во Македонија и Бугарија. Апасиев изрази сомнеж дека партиските донации, фирмите и општинскиот тендер за празничен ручек во Струмица укажуваат на поврзаност меѓу власта и семејни бизниси, а праша дали профитот за роднини слободно преминува меѓу двете држави.

Премиерот потврди дека Јанев му е баџанак и рече дека тој развива сопствен бизнис околу 25 години. Одговорот ги оцени наводите на Апасиев како лаги и клевети и го повика да ги повтори надвор од Собранието и да ги докаже на суд. Премиерот ги оправда донациите со тоа што, според него, партијата има илјадници донатори и рече дека не гледа проблем во заработените пари од Бугарија да се трошат во Македонија.

ПРАТЕНИЧКО ПРАШАЊЕ

Димитар Апасиев

Република С Republika e M СОБРАНИЕ НА РЕПУБЛИ KUVENDI I REPUBLIKËS S Страна 1 од 4 ПРАТЕНИЧКО ПРАШАЊЕ од пратеникот Димитар Апасиев, поставено на 126-та седница на Собранието на Република Северна Македонија одржана на 14 октомври 2026 година Пратеничкото прашање гласи: Почитуван премиер, денес ќе ве прашам за тема во која што вие сте најјак, а јас сум најслаб, а тоа е бизнис. Бидејќи на последното пратеничко прашање кога го отворив скандалот со претседателот на Уставниот суд, ви ветив дека инконкрето ќе ми бидат прашањата, со име и презиме и дека на слика ќе ви ги покажувам, еве сега слика од овој за кој денеска ќе ви поставувам прашање, тоа е вашиот баџанак. Имено, станува збор за лицето Јорданчо Јанев познат по називот Дано, инаку баџанак е турски збор во нашето семејно право, латинскиот, да и песна има аџанак баџанак, на кој му стиска нека дојде. Еве мене ми стиска па дојдов. Латински е афинитас, има еден правник римски вели тоа сродство по сватовство, посебен облик на сродство меѓу двајца мажи кои извира од нивниот брак т.е. од женачката за две сестри. Значи сопругот на сестрата на сопругата е баџанак. Овој баџанак на премиерот Мицкоски е многу плоден бизнисмен, особено плоден после доаѓањето на власт, мада и претходно тоа се конекциите. Како што во Римската империја сите патишта водеа во Рим, така во вашата империја сите патишта водат во Струмица. И веќе се познати шемите познати од аферата плацови на Водно за кој што доби Грујо 9 години

Република С Republika e M СОБРАНИЕ НА РЕПУБЛИ KUVENDI I REPUBLIKËS S Страна 2 од 4 затвор правосилно од предметот Империја. Значи иако сте трет ешалон сте учеле добро од тоа, бидејќи шемите се исти, контури. Еве само ќе кажеме некои одредници, перење пари, значи сомнителни фаворизации на фирми, офшор фирми, тука не најдов офшор, ама најдов бугарски, роднини на пренижнини профити, братучеди обавезно мора да има, да се ортаци, дуо трио и мрежа на фантом фирми. Во случајов се 15. Еве пошто не ве бива за бизнис вие денес да не речете јас 15 фирми, имиња да им измислам само нема да знам, а не па да ги основам, да ги ставам во правен промет. Е сега, овој ваш баџанак има и бугарско гржданство, значи он така се осеќа од 2017 година ако не се лажам, 6 фирми, можеби има повеќе, јас 6 му најдов, 4 во Македонија, две во Бугарија. Првата фирма Дано Транс ДООЕЛ основана 2003 година, товарен сообраќај или народски кажано камиони, милион евра приход и таму има еден вработен Влатко Јовановски кој е инвеститор во градежен сектор сега таму во Струмица. Втората фирма Интерпласт Груп основана 2015 година за логистика. Третата фирма Шалон Фуд Груп 2016 основана. Многу еврејско ми е имево, не знам од каде. Ресторан е и тоа има милионски приход. Е тука управител му е неговиот братучед Данчо Караптоев. Од овој Данчо не најдов слика инаку и него ќе го урамевме. Од како доаѓате на власт ја основаат фирмата Шалом Деливери 2024 година ортаци се и првиот тендер на општина Струмица на овој новиот градоначалник вмровски ваш, Петар Јанков е токму свечен ручек за 250 гости на слава ли, што е тоа таму слава или што е тоа таму Свети Петнаесет Тивериополски маченици каде што има слика во Фокус, опа нешто го грешам изгледа. Во Фокус ви ја објавија со владикана, со попови таму седите сите. И видете сега општина која има јавен долг

Република С Republika e M СОБРАНИЕ НА РЕПУБЛИ KUVENDI I REPUBLIKËS S Страна 3 од 4 од 16 милиони евра, првиот тендер го дава на фирмата на вашиот баџанак кој во исто време да биде апсурдот поголем бил кум и покровител на славава за која што после си прави бизнис. Јас не знам како не ви залетна со дедо Стефан која јадевте знаејќи дека за истава слава овој си прави пари во меѓувреме. Следно има 2025 година Д-Дигитал Конто фирма, консалтинг и сметководство. Е, таму е директорка некоја Танкица Ефтимова и таа ви донирала на партија 2 и пол илјади евра. Јас не знам од каде ги заштедила женава ако работи за плата, но нејсе. Исто така и баџанакот ви е донатор од 2019 според јавно достапни информации легално ви донирал 20 илјади евра на партијата. Тоа е легално, за нелегално не знаеме и затоа овој си гради хациенда од 2 милиони евра во Струмица, ја објавивме ние, убава е куќата и се шпекулира низ чаршијата во Струмица дека добил концесии за некои државни ниви накај Конче за да земе субвенции за тутун. Е ова не ми е потврдено, не можев да најдам таква фирма. Можеби е некој фантом на некој негов роднина, пријател, братучед и слично. Вториов овој братучедов на овој Дано, значи Данчо и Дончо многу се лесни за памтење, он му е крвен сродник на овој, значи не е по сватовство, тоа е по странична линија четврти степен на сродство. Не знам дали е консобринус, викаат на евроинско право по мајка или фратрес по татко, не знам дали му е по мајка или по татко, ама овој има 9 фирми. Пајажина, еве како тоа изгледа, се обидов визуелно бидејќи нели една слика, илјада зборови, како тоа изгледа. Видете јас само имињава не можам да им ги кажам, а па не вака да ми текне една шема убава, пајажинеста да ја основаме, од кои две фирми се бугарски. Да, двете фирми се бугарски, ортаци се Дано Транс милиони евра во левови, т.е. сумите во левови, сега кога стана во евра околу 1 и пол милион евра само во 2018

Република С Republika e M СОБРАНИЕ НА РЕПУБЛИ KUVENDI I REPUBLIKËS S Страна 4 од 4 година и Инфинити транспорт група на иста адреса во Петрич, преку Ново Село изгледа Ива од каде што ви побегна сега, одма таму по границата на иста адреса улица Антон Попов број 57. Е, сега овој има 9 фирми, 6 му најдов Инфинити ДК 2006 основана трговија на мало со облека. Е, бутик за гаќи и прслуци мора да има во шемиве. Имаше и кај Артан Груби, ви текнува, надзорот го правеше бутик за гаќи имал, еве и овој имал во 2006 уште. Инфинити Фешн Груп му е во 2012 година, Респект Груп некоја фирма 2014, БС Биливер Груп 2021 и од кога идете на власт две нови фирмички Инфинити Фор Евер Стор и Гламур Спаркл Стор. Не знам за што се овие. Исто така и овој ви е донатор на партијата 5 илјади евра за изборите само во донирал во 2024. Мислам дека ми ја сфаќате поентата, значи сакам конечно да расчистиме колку овие донации се патриотизам, а колку е испран бугарски капитал, колку политиката ваша е народна, а колку е фамилијарен бизнис план и да видиме кога границата меѓу власта и семејниот бизнис исчезнува дали корупцијата е поединечен случај или е модел на управување и владеење и затоа ќе го сумирам прашањето само во едно, а тоа ако фирмата на вашиот баџанак можеше да го добие првиот празничен ручек во Струмица, а неговите фирми во Петрич тивко да си работат преку граница, дали тоа значи дека во вашето поимање на владеењето на право единствено нешто што циркулира навистина слободно помеѓу Македонија и Бугарија е профитот за вашите роднини.

ОДГОВОР ОД ИНСТИТУЦИЈАТА

Претседател на Владата на Република Северна Македонија

Република С Republika e M СОБРАНИЕ НА РЕПУБЛИ KUVENDI I REPUBLIKËS S Страна 1 од 3 О Д Г О В О Р на пратеничко прашање од пратеникот Димитар Апасиев, поставено на 126-та седница на Собранието на Република Северна Македонија, одржана на 14 октомври 2026 година Почитуван Апасиев, навистина не ве бивало за бизнис. Сега сфатив зошто имаме толку голема фрустрација од овој трет ешалон каде што вие не можевте на десеттиот да дојдете во таа политичка партија, па моравте неколку да смените во меѓувреме. Прашање е кога и од ваму ќе еве исклоцаат. Но тоа е друга тема за која што можеби во некоја друга прилика ќе зборуваме малку повеќе. Овде сум ја инфериорен бидејќи после мене вие ќе излезете и истурите уште нов грст лаги и клевети и нормално како и секоја кукавица ќе ја користите или ќе ја злоупотребите собраниската говорница без при тоа да немате никаква кривична одговорност ниту за клевета, ниту пак за нешто друго. Јас ве поканувам како голем маж, храбар маж, што не сте, а не обична кукавица да излезете ова што денеска го кажавте и надвор на медиуми, на прес конференција да го кажете и тогаш ќе се најдеме во арената каде што вие сте нај јак, а тоа е судот, правото, па ќе мора ова што денеска го кажувате да го докажете. Инаку да Јорданчо Јанев ми е баџанак, односно неговата сопруга е сестра на мојата сопруга. Инаку не ви е точен податокот дека од 2017Инаку, да тој е син на двајца стечајци. Татко кога останал без работа од тогашната Треска му даваа еден камион кој што тој го вози за да заработи за да ја прехрани фамилијата која што е останата без работа во времето на транзицијата и потоа развива свој сопствен бизнис кој што трае повеќе, би рекол, 25 години. Јас навистина не можам да сфатам што е грев, па дури и да е еве

Република С Republika e M СОБРАНИЕ НА РЕПУБЛИ KUVENDI I REPUBLIKËS S Страна 2 од 3 бугарски граѓанин, па дури и да еве во Бугарија прави бизнис во левови, во милиони како што кажувате и тие пари да ги донесе во Македонија и тука да ги троши. Јас стварно не знам што е грев, парите кои што ги заработуваат луѓето надвор да ги донесат тука, наместо да ги изнесуваат и да речеме да летуваат во скапи хотели на егејското крајбрежје и да шопингуваат во Тесалоники како што вие љубите да кажете, скапа гардероба која што ја носите вие и вашето семејство, најтесно и на тој начин да ги манипулирате овие неколкумина околу вас кои што ви даваат каква таква поддршка. Јас навистина не разбирам, вие навистина не сте се разбирале од бизнис. Но ај што не се разбирате од бизнис, туку и како и секоја обична кукавица доаѓате овде на говорницата истурате клевети кои што немаат никаква врска, па дури и успевате да ја сквернавите светата прослава на светите Петнаесет Тивериополски маченици која им е градска слава во Струмица и која што трае со години, со децении. Добро вие сте еретик не ги разбирате тие работи, а еретиците не можат да ги сфатат тие христијански обичаи односно верски обичаи. Така што господине Апасиев јас еве најчесно, најпријателски, најдругарски ве замолувам за да сега ја тргнеме оваа перцепција дека сте кукавица и дека немате срце излезете после оваа ваша беседа, бидејќи сега после мене, бидејќи и тука јас сум инфериорен, имате три минути да ја кажете со нов грст навреди, на прес конференција и кажете ја. Немојте вака сега да излегувате тука и да лажете, инсинуирате, измислувате итн. Инаку, што се однесува до донаторството, да, во ВМРО ДПМНЕ има повеќе донатори, има илјадници донатори, членови, симпатизери на партијата кои што донираат, за разлика од кај вас кои што земате од партијата хонорари и дневници и тие потоа ги трошите, купувате објекти кои што потоа се кафе барови, ноќни клубови и кафичи, ги регистрирате, го црпите профитот од таму за да можете вашите хедонистички навики

Република С Republika e M СОБРАНИЕ НА РЕПУБЛИ KUVENDI I REPUBLIKËS S Страна 3 од 3 вие и вашите семејства да ги покажувате на јавна сцена. Јас нема никогаш да се спуштам на тоа ниво на кое што вие се спуштате, па дури и да ја користам или злоупотребувам оваа говорница и да зборувам за семејство. Но очигледно дека вие немате пардон. Но тоа е таа фрустрација на неуспехот кој што го доживувате од овој според вас трет ешалон од партијата во која што вие ни во десеттиот не успеавте да влезете затоа што бевте исклоцан од таму. Така што еве јас тука ќе завршам и ќе ве замолам сето ова кое што денеска го кажавте да излезетенадвор од Парламентот и да го кажете и да се најдеме онаму каде што сте вие најсилен, а тоа е да го крстиме правото и она кое што ќе го докажуваме на суд.

Сите пратенички прашања