
Фатмир Битиќи
Република С Republika e M СОБРАНИЕ НА РЕПУБЛИ KUVENDI I REPUBLIKËS S Страна 1 од 2 ПРАТЕНИЧКО ПРАШАЊЕ од пратеникот Фатмир Битиќи, поставено на 126-та седница на Собранието на Република Северна Македонија одржана на 14 октомври 2026 година Пратеничкото прашање гласи: Почитуван министер Мисајловски, 6 години македонското знаме се вее пред седиштето на НАТО во Брисел. Под него стојат нашите војници и нивниот придонес во заедничката безбедност. Но, зад него стојат нашите инженери, производители и претприемачи на кои воениот сојуз треба да и отвори можности за нивното знаење да го претворат во нова вредност за економијата. Во 2021 година воспоставивме механизам за поддршка на македонските компании за учество во јавните набавки на НАТО. Стануваше збор за создадена можност за учество на пазарот над 5 милијарди евра годишно. Во март 2024 година, организиравме „Индустриски ден на НАТО“ на кој домашните компании непосредно ги запознавме како функционираат механизмите за јавни набавки во Алијансата. Намерата ни беше членството во најсилниот воен сојуз да добие економска содржина. Пред се за информатичката индустрија, прехранбениот сектор, фармацијата и другите дејности. Од јуни 2024 година, развивањето на овој механизам премина во ваша одговорност. Поминаа повеќе од две години, што е доволно време замерливи резултати на Министерството за одбрана во овој сегмент. Во вашата комуникациска стратегија за 2025 година, наведувате дека центарот за поддршка на домашните компании при настап на НАТО тендери го олеснува пристапот до пазарот и ги води компаниите низ процесот. Тоа е јавно преземена заложба, чија реализација единствено може да се оценува преку конкретната помош на компаниите и резултатот на нивното учество. Во меѓувреме премиерот Мицкоски, повторно ја смести македонската економија меѓу првите пет во Европа според растот. Таа самоувереност може да добие реална економска тежина само кога ќе се претвори во институционална амбиција да се отворат нови пазари за домашните компании. НАТО нуди токму таков простор за нашите
Република С Republika e M СОБРАНИЕ НА РЕПУБЛИ KUVENDI I REPUBLIKËS S Страна 2 од 2 производи, инженерско знаење и информатички технологии. Од Владата се очекува да го препознае тој потенцијал и да им помогне на компаниите да настапат подготвени о конкурентни. А, можностите се конкретни. ЕНСИАЈЕИ или НАТО комуникејшн информејшн аџенси, Агенцијата на НАТО за комуникации и информации во декември 2024 година, кога веќе бевте на министерската функција, претстави 70 деловни можности вредни над 975 милиони евра во делот на комуникации, дигитални комуникации, сајбер безбедност. „Дијана“ акцелераторот за одбранбени иновации во Северно Атлантскиот Пакт обезбедува 100 илјади евра почетно финансирање за избраните компании со можност за дополнителни до 300 илјади евра во следната фаза. НАТО Енџинг, платформата на НАТО за поврзување и ангажирање на производственитекапацитети бара инженерски 3 - ДЕ производство и расположливи индустриски капацитети. Мислам дека е време по повеќе од 2 години на функцијата да кажете конкретно. Што е направено за домашните компании да ги искористат овие можности. Имате секако обврска во раководењето на министерството. Но, и да развиете и функционална поставеност која од геополитичка припадност ќе извлече и практична економска корист за самата држава. И, затоа моето прашање е. Кои конкретни и документирани резултати ги постигна Центар за поддршка на домашните компании при настап на НАТО тендерите. Добро би било да слушнеме конкретни бројки за спроведени обуки, обезбедена помош за подготовка на тендерски понуди и воспоставени меѓународни партнерства. Како и точен број на поддржани компании, поднесени понуди и иновациски апликации, склучени директни договори и под изведувачки ангажмани. Секако и која е нивната вредност. Прашањето го поставувам до министерот за одбрана.