
Реџеп Исмаил
ПРАТЕНИЧКО ПРАШАЊЕ од пратеникот Реџеп Исмаил, поставено на 70-та седница на Собранието на Република Северна Македонија одржана на 18 ноември 2025 година Пратеничкото прашање гласи: Прво ќе почнам за прашањето за Министерството за животна средина. Сакам директно да прашам дали вие како министерство имате намера да дозволите и да организирате, да аплицирате за увоз на отпад од ЕУ. Неодамна објавивте некоја листа од некои си 18 типови отпад кои што планирате да ги увезувате од Европската Унија и таму содржи разни метали обоени и необоени, калај, железо, цинк, картони, стакло, масло за јадење, некои други типови на отпад кои што и онака тука се голем проблем нивната преработка во Република Македонија. Вие дополнително планирате да ги увезувате од Европската Унија. Не знам дали знаете дека со новата Регулатива по ова прашање на Европската Унија од 2007 мислам дека ќе почне да се применува, ќе биде забрането овој отпад да се увезува, да се извезува во земјите кои не се членки на ОЕЦД. Од ова ќе бидат исклучок само земји кои што имаат капацитет одговорно и согласно со принципите на здрава животна средина да управуваат со овој отпад. И сега поконкретно ме интересира може ли да ни образложите кои се овие капацитети кои што министерството, односно Република Македонија ги има за да може да увезува отпад од Европската Унија, истиот одговорно и во согласност со животна средина да го обработува и процесуира. Особено ако се има во предвид дека ние сме на топ листите на најзагадени градови во светот и особено сме на топ листите на земји по владеење на корупција, оттаму сметам дека ова е голем ризик за животната средина во Република Македонија да дополнително се влоши со тоа што вие ќе увезувате отпад од Европската Унија.