Република Северна Македонија Министерство за транспорт
До: Г-дин Африм Гаши Претседател на Собрание на Република Северна Македонија
Предмет: Одговор на пратеничко прашање поставено од пратеничката г-ѓа Моника Зајкова
Врска: Наш број 15-6091/2 од 31.07.2025 година
Почитуван г-дин Гаши,
Во прилог на овој допис Ви доставуваме одговор на пратеничкото прашање од пратеничката Моника Зајкова, поставено на 09 јули 2025 година, врска со Ваш број: 08-3906/1 од 09.07.2025 година.
МИНИСТЕР Александар Николоски
1 Министерство за транспорт на Република Северна Македонија ул. „Црвена Скопска Општина “ бр. 4, Скопје +389 2 3145 497 www.mtc.gov.mk
Република Северна Македонија Министерство за транспорт
ПРАТЕНИЧКО ПРАШАЊЕ од пратеничката Моника Зајкова, поставено на 09 јули 2025 година.
Пратеничкото прашање гласи:
Имајќи ја предвид годишнината од катастрофалниот земјотрес во Скопје што ќе ја одбележиме овој месец, како и зачестените информации за сеизмичка активност во земјата и во регионот, јавноста со оправдана загриженост ги следи состојбите со градбите, особено по медиумските извештаи за голем број на дивоградби во општина Чаир и потенцијално слични состојби во други општини. Овие информации будат сериозни сомнежи за почитувањето на стандардите за сеизмичка безбедност, што е од витално значење за животите и имотот на граѓаните. Во контекст на горенаведеното, како пратеничка во Собранието на РСМ, барам од вас, како надлежен орган, да ми одговорите на следните прашања: 1. Дали Министерството му има наложено на Државниот инспекторат за градежништво и урбанизам (ДИГУ) да изработи вонреден извештај за состојбата со почитувањето на стандардите за сеизмичка заштита и присуството на дивоградби, особено фокусирајќи се на општина Чаир, но и на други критични општини во Републиката? • Доколку таков извештај не е побаран, би сакала Министерството да образложи зошто проценило дека не е потребно вонредно известување за оваа исклучително важна проблематика. • Доколку извештајот е побаран, кога се очекува истиот да биде изработен и дали Министерството планира тој да биде доставен до Собранието на Република Северна Македонија како информација по која ќе може да се отвори сеопфатна расправа? 2. Дали Министерството смета дека се потребни законски подобрувања во сферата на градежништвото и сеизмичката заштита, со цел да се зајакне контролата и да се спречат идни нерегуларности? - Доколку одговорот е позитивен, кои конкретни измени или дополнувања на законската рамка ги предлагате? Овие прашања се поставени со цел да се уверат граѓаните дека институциите на извршната власт ефикасно функционираат во заштита на јавниот интерес, дека Собранието ја врши својата контролна функција над извршната власт и дека, со заеднички напори, трагедиите нема да им се повторуваат на граѓаните на Северна Македонија.
2 Министерство за транспорт на Република Северна Македонија ул. „Црвена Скопска Општина “ бр. 4, Скопје +389 2 3145 497 www.mtc.gov.mk
Република Северна Македонија Министерство за транспорт
ОДГОВОР на пратеничкото прашање од пратеничката Моника Зајкова, поставено на 09 јули 2025 година.
Во врска со Вашето пратеничко прашање Ве известуваме за следново:
Би сакале да Ве информираме дека Државниот инспекторат за градежништво и урбанизам нема надлежност да постапува во однос на прашањата што ги поставувате.
Согласно Законот за градење член 128, став 2 Градежен инспектор (Државен инспекторат за градежништво и урбанизам) врши инспекциски надзор над градби од прва категорија, а овластен градежен инспектор (од општината) врши инспекциски надзор над градби од втора категорија од членот 57 на овој закон.
Исто така во член 58, став 1 се вели: Градбите од прва категорија од членот 57 од Законот за градење се градби од значење за Републиката и одобрение за градење издава органот на државната управа надлежен за вршење на работите од областа на уредувањето на просторот.
Во став 2 од истиот член се пропишува: Градбите од втора категорија од членот 57 од Законот за градење се градби од локално значење и одобрение за градење издава градоначалникот на општината, односно градоначалниците на општините во градот Скопје. Врз основа на овие законски одредби, Државниот инспекторат за градежништво и урбанизам врши инспекциски надзор само на објекти од А категорија на територија на државата, додека општините согласно своите законски надлежности се обврзани да вршат инспекциски надзор и контрола над сите останати објекти на територијата на својата општина.
Во однос на стандардите за градење, тие се пропишани во Законот за градење и истите обезбедуваат механичката отпорност, стабилност и сеизмичка заштита на објектите.
Би сакале дека истакнеме дека една од работите за што посебно е посветена оваа Влада е владеење на правото и правната сигурност на граѓаните, борбата против корупцијата и борбата против дивеењето на поединци или фирми на кои им било дозволено таквото однесување во претходните години.
3 Министерство за транспорт на Република Северна Македонија ул. „Црвена Скопска Општина “ бр. 4, Скопје +389 2 3145 497 www.mtc.gov.mk