Најважно
348 вести · 24 ч.
Берово 6°
Најважно
Локални вестиДемокритика
Редакција: Македонија.мкИспрати тема

Мени на Македонија.мк

Редакција:Македонија.мкНационални и локални вести
Испрати тема
ПРАШАЊЕ & ОДГОВОР

Мицкоски најави прва седница на Советот со Турција напролет

Резиме

Пратеникот Сали Мурати побара информации за формирањето и работата на Советот за соработка на високо ниво со Турција, планираната прва седница, нејзините приоритети и акциските планови за трговската размена и известувањето на јавноста и Собранието.

Премиерот Христијан Мицкоски одговори дека по потпишувањето на договорот се интензивирале контактите, вклучително и со потенцијални турски инвеститори, како и соработката во одбраната, туризмот и образованието. Посочи дека со претседателот Реџеп Таип Ердоган договориле првиот состанок да се одржи напролет во Скопје, но рече дека не може да даде точен датум. Тој истакна дека сака да се намали трговскиот дисбаланс и дека смета оти македонските производи можат да најдат место на турскиот пазар.

ПРАТЕНИЧКО ПРАШАЊЕ

Сали Мурати

ПРАТЕНИЧКО ПРАШАЊЕ од пратеникот Сали Мурати, поставено на 90-та седница на Собранието на Република Северна Македонија одржана на 04 март 2026 година Пратеничкото прашање гласи: Стратешкото партнерство помеѓу Република Македонија и Република Турција претставува значаен столб на надворешната политика на нашата држава. Односите меѓу двете земји имаат длабоко пријателски и братски карактер и се засноваат на заеднички вредности и интереси. На 28 феврари 2025 година, за време на правата официјална посета на премиерот Христијан Мицкоски на Република Турција, беше потпишана Политичка декларација за основање на Совет за соработка на високо ниво меѓу владите на двете земји. Оваа Декларација е заснована на темелите на Стратегијата за зајакнување на билатералните односи меѓу Македонија и Турција од 2008 година. Целта на Советот е продлабочување и интензивирање на соработката во сите области од заедничкиот интерес, почнувајќи од политика, безбедност, одбрана, економија, трговија, енергетика, транспорт, инфраструктура, земјоделство, медиуми, туризам, култура, наука, образование, здравство, животна средина и дигитална трансформација. Почитуваниот претседател на Република Турција, Ердган изрази надеж дека ќе присуствува на првата седница на Советот што треба да се одржи во Скопје, меѓутоа јавноста нема доволно информации за конкретна активност и временската рамка за имплементација. Почитуван премиере, замолувам да добијам одговор на следните прашања, како една целина. До каде е процесот на формализација и конституирање на Советот за соработка на високо ниво? Дали се формирани работни тела и дефинирани надлежностите? Дали се извршени активности во рамките на Советот од моментот на потпишување на Декларацијата до денес? Кога конкретно се планира одржување на првата седница на Советот во Скопје? Која е агендата на приоритетните теми што ќе бидат дискутирани на правата седница? Дали се изготвени конкретни акциони планови за имплементација на стратегијата, особено во однос на зголемување на билатералната трговска размена од моменталната една милијарда долари? И, какви механизми за следење на работите на Советот се предвидени и како граѓаните и токму и ние Собрание ќе бидеме информирани за оваа проблематика?

ОДГОВОР ОД ИНСТИТУЦИЈАТА

Министерството за надворешни работи и надворешна трговија

О Д Г О В О Р на пратеничко прашање од пратеникот Сали Мурати, поставено на 90-та седница на Собранието на Република Северна Македонија, одржана на 04 март 2026 година Претседателот на Владата на Република Северна Македонија Христијан Мицкоски Благодарам претседателе. Почитуван пратеник благодарам на прашањето. Точно е тоа дека го потпишавме договорот со Република Турција. И целта на договорот е апсолутно тоа што вие го споменавте, а тоа е продлабочување на билатералната соработка помеѓу двете земји, нешто што претставува и наша стратешка цел. И во рамките на тоа партнерство што го потпишавме веќе се засилени контактите и голем дел од компании кои што доаѓаат и потенцијални инвеститори од Турција во Македонија веќе се прифатени од страна на инструкциите и истите тие своите инвестиции ги почнуваат или се во фаза на почеток да ги реализираат. Тој договор не беше потпишан долго време. Со доаѓањето на оваа Влада тој договор се потпиша и во рамките на тој договор се интензивираше соработката и на полето на одбраната. Министерството за одбрана заедно со соодветните институции во рамките на Владата на Турција соработуваат непосредно. Вршиме набавка на одбранбени системи и истовремено обучуваме кадри, истовремено дел од турските претставници се исто така присутни тука во Македонија. Така што мислам дека со доаѓањето на оваа Влада во голема мерка се интензивираше таа билатерална соработка помеѓу двете држави. Тоа што мене исто така ми претставува главен интерес е да се коригира малку и нивото на трговската размена, бидејќи република Турција има голем суфицит во размената со Македонија. Да бидам по прецизен многу повеќе извезува во Македонија отколку што Македонија извезува во Турција. Убеден сум дека македонските производи можат да бидат конкурентни на турскиот пазар. Убеден сум дека како наш стратешки партнер Турција исто така ќе овозможи слободен пристап на македонските компании, на турскиот пазар да можат да ги извезуваат своите производи. И убеден сум дека постојните бариери кои што сега постојат ќе бидат многу скоро неутрализирани, односно избришани и македонските производители, посебно во делот на земјоделието, фармацијата и останатите гранки ќе можат да најдат свое место и на турскиот пазар и на тој начин овој дисбаланс во размената каде Турција има голем суфицит ќе биде некако изневелиран. Во рамките на туризмот исто така имаме голема соработка. Голем број на турски туристи доаѓаат. Во рамките на образованието исто така имаме голема соработка. Голем дел од студенти кои што доаѓаат од Турција се присутни на универзитетите во нашата земја. Така што мислам дека на овој начин прилично го интензивиравме процесот. Инаку да, во моите разговори со претседателот Ердоган дефиниравме оваа пролет да се случи тој прв состанок и да тој дојде овде во Скопје на тој состанок. Претпоставувам дека таа посета ќе се случи. Не сме имале неколку месеци контакти за да можам точно да ви кажам кога и како. Но знам дека Турција има исклучително одличен амбасадор во Скопје. Со човекот имаме навистина директна и би рекол искрена соработка. Дипломат од висок ков, иако можеби на некој не им одговара и даваат негативни критики кон него, што за мене претставува непријатно изненадување кои што стигаат и во Анкара и во Истанбул. Но моето мислење е дека амбасадорот на Турција во Македонија е дипломат кој што многу придонесе за уште поблиските односи помеѓу двете земји и убеден сум дека до оваа средба прва ќе дојде многу скоро и ќе имаме таа можност но и чест претседателот Ердоган да го пречекаме овдека во Скопје. Ви благодарам.

Сите пратенички прашања