
Оливер Спасовски
ПРАТЕНИЧКО ПРАШАЊЕ од пратеникот Оливер Спасовски, поставено на 95-та седница на Собранието на Република Северна Македонија одржана на 26 март 2026 година Пратеничкото прашање гласи: Во однос на првото прашање, сакам да поставам и да кажам неколку збора во однос на состојбата која што е моментална со цените, со растот на цените и економската криза која што генерално тропа веќе на секоја врата во македонското општество. Сите сме сведоци дека ова е глобална криза која што настапува и таа глобална криза сигурно дека ќе предизвикува негативни ефекти врз македонската економија, а на тој начин ќе предизвикува негативни ефекти и врз македонските семејства, односно македонските граѓани. Факт е дека во Македонија цените на нафтените дериват поскапеа, за тоа се преземаа мерки за кои што сметам дека не се навремени и тоа го покажаа практично и резултати во однос на намалувањето на цените. Меѓутоа сето тоа ќе ефектуира и врз растот на цените во маркетите, односно директна дневна потрошувачка за потребите на живеењето на сите граѓани. Еве на пример, за една недела ќе прочитам неколку цени кои што биле променети и морам да кажам дека така тивко се менуваат, прво зејтинот 74 денари бил, сега од 93 до 118, кафето било 104 денари минатата недела, сега е 120 до 140 денари, меленото месо било околу 638, сега е 730 до 849, пилешкото месо 376, сега е 401 до 493, млекото 56, сега е 67 до 78, јајцата 103, сега се од 129 до 148 и сега во моментов имаме едно навистина сериозно брутално поскапување на цените на прехранбените продукти, основните прехранбените продукти пред се зеленчукот и овошјето. За пример, денеска на пазарот пиперките се околу 300 денари, а доматите 200 денари и малку повеќе од 200 денари. Моето прашање е, дали вие како Министерство за економија предвидувате соодветни мерки кои што ќе значат подобрување или ублажување на оваа кризна состојба во било кој тип да се. А зошто тоа го кажувам, бидејќи сето ова дополнителна тежина, бидејќи вие во ваше соопштение кажувате дека Министерството за економија и труд во 2025-та година преку ограничувањето на маржи на 102 групи производи и цени на 8 групи основни прехранбени производи, ја стабилизираа инфлацијата. На основа на ова, прашањето е дали и сега моментално преземате и мислам дека е крајно време тоа да го направите час поскоро, бидејќи ние можеме да правиме статистики, просечни статистики и така натаму. Меѓутоа секој ден, секој човек одењето во маркетите може да ги види цените кои што растат и ако за тоа не преземеме навремени мерки мислам дека понатаму се ќе биде задоцнето.